مين احلى بنات ****** البنات المسلمات

بصفة عامة السبب في ظهور معظم مشاكل البشرة زي مشكلة الحبوب والتجاعيد والبقع السودة بيرجع إلى مجموعة العوامل دي..

1. عدم شرب الميه بكميات كبيرة.
2. كثرة تناول الملح والسكر في الأكل.
3.النوم على مخدة مش نظيفة بيساعد على ظهور حبوب الشباب نتيجة لتراكم الجراثيم علشان كده بنصح أي بنت إنها تطلع الفرش كل يوم في الشمس.
4.كمان وضع إيدك على بشرتك بيساعد على ظهور الحبوب خاصة لو كانت إيدك مش نظيفة.
5.التعرض المباشر لأشعة الشمس لفترات طويلة بيسبب ظهور البقع السوداء والحبوب.

علشان كده بنلاقي إن تنظيف البشرة يوميا شيء مهم وضروري جدا...
وعلى فكرة كل بشرة ليها طريقة محددة في التنظيف والعناية بتختلف عن البشرة التانية

و تنقسم البشرة إلى الأنواع التالية...

أولا: البشرة العادية
لو كانت بشرتك عادية فأنت محظوظة أوي وده لأن البشرة العادية بنسبة 100% دي نعمة من عند ربنا ولازم تحافظي عليها...
إزاي تتعرفي عليها؟!
تقدري تعرفي إذا كانت بشرتك عادية أم لا من خلال مظهرها العام وده لأن البشرة العادية دايما بتكون ناعمة نقية مافيهاش أي شوائب أو حبوب أو جفاف ولا بقع في الجلد وكمان مافيهاش أي مسام دهنية ظاهرة...
إزاي تعتني بيها؟!
صباحا ومساءً
لازم البنت تهتم ببشرتها وتنظفها بنفسها كل يوم كويس وده لأن البشرة العادية بتميل للجفاف عند التقدم في السن، كمان ممكن يسبب الإهمال وعدم الاهتمام بالبشرة ظهور التجاعيد المبكرة عند سن 30 أو 40 سنة، وممكن يصيب البشرة بقع حوالين العين والفم والذقن بسبب عوامل الجو زي البرد والحر...علشان كده دايما بنصح البنت اللي بشرتها عادية إنها تهتم بيها وتنظفها يوميا لأن تنظيف البشرة له دور أساسي في مكافحة ظهور التجاعيد مبكرا، وكمان الكريمات المرطبة بتساعد على تأخر الشيخوخة...

في الصباح.....
بتغسليها بغسول بتجيبي قطعة قطن مبلولة مية وبعد ما تعصريها تحطيها في الغسول وبعدين تمرريها على وجهك، وممكن تستخدمي بخاخة أو رشاشة ترشي بيها وجهك وده بيكون زي غسول بينعش البشرة كل يوم.....بعد كده بتحطي كريم النهار المخصص للبشرة العادية ولازم يكون درجة حمايته من الشمس من ( spf15:10 ) ويكون مكتوب على العلبة صلاحيته لكل أنواع البشرة.
في المساء
بتعملي نفس الطريقةوبعد كده بتحطي كريمات مغذية للبشرة يكون فيها فيتامينات... ولو كنت قبل سن الثلاثين ممكن تحطي تحت العين "السيرم" بتاع التجاعيد 3مرات في اليوم، لكن لو كنت فوق الثلاثين يبقى ممكن تحطيه حوالين الرقبة وتدهنيه عى الوش كله كل يوم.

ويا ريت كمان البنت ماتنساش تنظف رقبتها باستمرار لأنها أول حاجة بتظهر فيها الشيخوخة... وعلى فكرة أفضل حاجة للبشرة العادية إنك تنظفيها مرة في الصبح ومرة بالليل...

ثانيا: البشرة الدهنية
من أهم سمات البشرة الدهنية أن التجاعيد مش بتظهر فيها مبكرا ..
إزاي تتعرفي عليها؟!
هتقدري تتعرفي عليها من خلال مظهرها العام فلو بصيتي في المرايا هتلاقيها بتلمع، وممكن تلاقي فيها شوائب بعد 3أو4 دقايق من التنظيف... وكمان ممكن تلاقي دهون على الجبين والذقن والأنف "منطقة التيزون"، بالإضافة إلى أن المسام المفتوحة بتبقى في الأنف وكمان في الخد.... كمان البشرة الدهنية بتتميز بظهور حبوب على الخد والذقن والجبين بشكل مفاجئ...
وفيه اختبار ممكن أي بنت وهي قاعدة في البيت تعمله علشان تعرف إذا كانت بشرتها دهنية أم لا وهي إنها تجيب كلينكس "منديل ورق" وتحطه على بشرتها لمدة خمس دقائق لو لقت إن المنديل فيه زي بقع دهنية يبقى كده هي بشرتها دهنية.
مشاكل البشرة الدهنية
البنت اللي بشرتها دهنية بتعاني من مشاكل كتير أوي زي مثلا مشكلة البقع اللي بتظهر حوالين الخد والشفايف وأحيانا بتظهر حبوب على الظهر والكتف والخدود...كمان بتظهر مساحات جافة على الخدين بسبب نقص عامل الترطيب الطبيعي في البشرة ومشاكل تانية كتير زي مثلا...

مشكلة ظهور حب الشباب

ودي مشكلة بتعاني منها بنات كتير أوي وعلاجها بيكون عند دكتور جلدية متخصص علشان يشوف الحبوب دي ويحدد نوعها ويحدد العلاج المناسب وعلى فكرة حب الشباب بيظهر نتيجة حدوث التهاب في الغدد اللي تحت الجلد..

ظهور حبوب صغيرة بيضاء
أحيانا بتظهر حبوب صغيرة بيضاء ودي تقدر إنها تتخلص منها باستخدام الإبر الخاصة بالأنسولين ودي بتتعمل عند دكتور جلدية متخصص أو خبيرة تجميل وما تحاولش تلعب فيها نهائي

المسام المفتوحة
بالنسبة لمشكلة المسام المفتوحة فدي علاجها إنها تغسل وشها بالميه الساقعة جدا وتبعد نهائي عن الميه السخنة....

وممكن كمان تمسح وشها بقطعة ثلج موضوعة في ورق كلينكس وتمررها على وشها وعلى فكرة الحركة دي بتقفل المسام خاصة في منطقة الذقن والأنف...كمان ممكن تفرك وشها بقطنة فيها "تونيك" وده لأن "التونيك" بيساعد على قفل المسام...
وده كمان ماسك قابض ممكن تعمله وهو عبارة عن (ملعقتين نشا + ملعقة مية ورد ساقعة) تخلطهم مع بعض وتحطهم على بشرتها لمدة 10 دقايق وبعدين تشطف وشها بالميه الساقعة. وده بيساعد على قفل المسام المفتوحة..
إزاي تعتني بيها في البيت؟!
صباحا ومساءً
أحسن طريقة للعناية بالبشرة الدهنية...
في الصباح....
غسيل البشرة بالميه والصابون وده لأن مفيش أحسن من الميه والصابون للبشرة الدهنية وعلى فكرة الصابون بيقوم بمثابة علاج للبشرة الدهنية لأنه بيخلصها من الدهون وبيخلي ملمسها عادي

في المساء...
برضه أحسن حاجة هي غسيل البشرة بالصابون والميه ولو كانت البنت صاحبة البشرة الدهنية بتعاني من وجود حبوب يبقى من الأفضل عدم وضع كريم بالليل علشان الكريم بيساعد على زيادة الحبوب وتستعيض عن الكريم ده بالأدوية المطهرة اللي بيقول عليها الدكتور أو الصيدلي لتطهير الحبوب والدهون.
وبصفة عامة البنت اللي بشرتها دهينة لازم تهتم كويس

يارب اكون افدكم واستنوا منى باقى انواع البشرات فى الموضوع القادم

لو عجبكم الموضوع ارجو الرد

معليش طولت عليكم

ولي لسانٌ بقول الحق معترفٌ ••• به وللنفس عند الفعل تبديلُ !! أستغفر الله مما جنته يدي ••• من المعاصي وستر الله مسدولُ أستغفر الله من نقض العهود ومن ••• جنايتي حين غرَّتني الأباطيل أستغفر الله كم ضيَّعْتُ من زمني ••• يا ليت إذهابه في اللهو تعطيلُ
__________________

حين ولدت أعطيتــني قلباً صغيراً خاليـــــــاً

ملأتـه حبـــــــاً لــك حباً نقياً صافـيــــــــا

أنت حبيبي ومالكـــــي حبك في قلبي يزيــــد

يا من يسرني قربــك سوى رضاك لا أريــد

قلبي بذكرك يطمئـن يدعوك ربّي العاليــا

سبحانك وبحمـــــدك يرجوك عفواً وعافيـا

شكراً لما أهديتـنــــي قلباً بذكرك يخشــــع

ثبته ربي بفضلـــــك حتى يطيع ويسمــــع