أضــحكـ مع لهجـتنا الفلسطـينية...

بسم الله الرحمن الرحيم

كيفكم؟؟

موضوعي اليوم بشنن متلكم

وهو عن اللهجة الفلسطينية

انزلو تحت وشوفو

اوقات هيك بتطلع معنا كلمات وألفاظ غريبة بس بنصير نستعملها ..
و كل بلد او منطقة اليها حصيلة من هاى الكلمات والمصطلحات ..يعنى بتكون شى مميز اليها.. وأكيد الفلسطينية ما شاء الله عليهم شوية مصطلحات غير شكل ..
فهى شويه مصطلحات فلسطينية على الآخر, يعني غزاويه ع مجدلاويه ع حماميه ع نابلسية ومن هنا وهنا مشكل يعني...

بنكيت = الرصيف في الشارع
شمينت = نوع من انواع اللبن مفردة من مخلفات العدو الصهيوني
الكوربة = راس الشارع = لفة آخر الشارع
ضاوي = فاقد = ما بفهم اشي
براد = إبريق
بشكير = منشفة اللي بنشف فيها وجهنا على الصبح
ابطيني = يعني بياكل اكل ما شاء الله ولا هو داري عن حاله
عشرطعش = يقصد فيها الكثرة من الشئ
رمزون = إشارة مرور ضوئية
سطل = جردل = دلو
هواية = مروحة
نونة = يعني شوي
نتفة = اقل من شوية
ونجك حالك = يعني زبط حالك
روق يا ضاوي = يعني وحد الله يا مجنون
على بلاطة = يعني من الآخر
شكشوكه = (اكله ) بندوره وبيض
بابوج = شبشب
معصلج = مزرجن = مش راضي أو بمعنى آخر راكب راسه
فورسة = فسحة اللي في نص الحصص في المدرسة
جمطة = يعنى ما بتنبلع = ما تنزل من زور
اجنص = لنج =جديد
مواسرجي = السباك ... الرجل الذي يقوم بتصلح المجاري
حنفية = صنبور= مصورة
قاع الدار = الجزء الامامي للدار
قزاز = زجاج
سيرج = زيت الذرة او زيت عباد الشمس
قداحة = ولاعة
بربيج = خرطوم المياة
زمور = منبه السيارة
منقرز = محتاج الى سيجارة
مخرمن = محتاج شاي او قهوة ههههه
شخبطة = خرابيش الجاج
شقلب وجهك عني= يعني ما بدي اشوف خلقتك
سبهللة = يعني بدون مسؤولية
افتح مخك وطقطق دنيك = ركز معي الله لايسيئك
تلقحيه = واحد رامي حالو علينا ,ملقوف بالخليجى
دكانة = سوبر ماركت
نتخرف = ندردش مع بعض
ام العبد و ابو العبد = اسم فلسطيني قح
قح = عالاخر
فرم الشاب = طحنه = خلاه زي الطحينه
جلدة راسه خميله = عبيط او بفهمش بسرعه
بدكاش = ما بدك
شاكوش = مطرقة
شمر = ارفع البنطلون او الجلبية وافكح او اجري
قرفان = واحد مش طايق حالو بالمرة
سك عالدم = يعني انسى ومش فايقلك
برقان = برتقال بس الواحد بيكون مستعجل
بوزك = وجهك
الحين = الان بس احنا النا بعد تانى عن الحياه ( حمامي) ههههه
حبيبى يا حج = حبيبى يا قلق = حبيبى يا لوز = حبيبى يا حوت
اوعى تتزحلق = يعنى تندب دير بالك فى صابون على البلاط
احلقلو = طنشو = ماتعبرهوش
ترللي = مهوي = اهبل
يجاكر = يعاند
زبدية = صحن من الفخار لعمل الدقة الغزاوية
ورق دوالي: ورق عنب
اسكومية = يعني ايس كريم هههههههه ( الدلع )
الفرشوحه = يعني سندويش الشاورما بالغزاوي القح
ريحة : يعني عطر
قصافة = يعني مقص أظافر
هلأ = الان = هسا = الحين بالفلاحي
مستهلسكو = يعني مش معبركو
مطعوج = من الفعل انطعج والمصدر تاعو انطعاج وهو الشء المعوج
فشكة = بيت الرصاصة الفارغه...
ازعق عليه = نادي عليه
ضلك كاوي = ضلك ماشي على طول (نفس الطريق )
يختي = اسلوب نداء للمؤنث
يخو= اسلوب نداء للمذكر
بعكش = فتش = ابحث = دور
بسكليت = يعني دراجة
بنكش راس= بمزح

ياريت الى بشرفنا بمروره يكتب النا شوية كلمات حصرية اليه
يعنى طلعت معه بلحظة زهق ..طفش ..زهزهة ..واعتمدها فى حكيو

شرفتوني بهالموضوع

^^

الى اللقاء في موضوع تاني [right]

يسلموووووووووو
مشكوووووووووووره
والله احلا كلمات الكلمات الفلسطينيه

يسلمووووووووووووووووو

مشكووووووووووووووورة

احلا لهجه اللهجه الفلسطينيه اكييييييييييييد

الموضوع كتييييييييييييير حلو

يسلموووو

تحياتي يا حياتي

تقبلي مروري يا نور عيوني

ههههههههههههههه

حلوة بس اليوم اللهجة الفلسطينية متطوورة ههههههههههههههه

ونعم التطور باسل
شو شكلك بدك الفلسطينيه يضلو بدائيين
هههههههه

هههههههههههه

شو باسل وملاك

اكيد اتطورنا بفلسطين

هههههههههه

تحياتي

مشرف عدد المساهمات : 659 تاريخ التسجيل : 17/08/2009

ونحنا كمان في هيك كم كلمه بنقولها والله اصلنا فلسطيني يا عمي هههههه

مشكوره احلى بنوته

رمضــــــــــــــــــــــــــــــأن كريــــــــــــــــــــــــــم

أضــحكـ مع لهجـتنا الفلسطـينية... 22733859

ههههههههههههههه
والله ما في احلا من اللهجه الفلسطينه
حلوة كتييير
ههههههههههههه

شوهاد؟؟
نص الكلمة رايح
مفهمتش اشي

ثااانكس

هههههههههه
مشكووووره
بنوووووووته