الحب جميل ولازم نحافض عليه

كلنا طبعا بنحب انا وانتم يا بنات واكيد انتوا يا شباب

بس لازم نحافظ علي الحب ده ومانسبهوش يضيع مننا

اول حاجه لازم نعملها

اننا نحب بجد من قلوبنا ونراعي ربنا في اللي بنحبه

2-لازم اي علاقه تبقي مبنية من البدايه علي الاحترام والتفاهم

والصدق والمشاعر النقية

3_التقدير والاحترام

بمعني اننا لازم نقدر اللي بنحبه ونحترمه في غيابه قبل وجوده

يعني مثلا مانكونش في مكان وانتي تهزري مع ولد وتتكلمي

معاه مع انك عارفه ان ده هيضايقه

بس بتقولي من جواكي انه مش شايفك او العكس بالنسبه للولد

لا طبعا ده غلط طب افرضي حد شافك وراح قاله وانت افرض

ان حد شافك وراح قالها

هيكون ايه رد فعلك ساعتها

وغير كده لازم يكون عندنا اخلاص مش لازم منعملش الحاجة

علشان خايفين ان حد هيشوفنا لازم نكون رقيبين علي انفسنا

اما بقي في وجود الحبيب فاحنا لازم نديله كل الاحترام بمعني

اننا نسمع الكلام ونفهم هو عاوز يقول ايه من غير ما يتكلم

ونعزز كرامته ونعمله كيان وكبرياء وسط كل الناس

4_نمنع الشك ونمنح الثقه للطرف التاني

بمعني اننا نسمع الكلام دايما ونحكي علي كل حاجه بتحصل

وبنعملها حتي لو كانت هتزعل الطرف التاني

لأن ده بيديله الثقة دايما لان لو طرف تالت اتدخل وحاول يوقع

الدنيا في بعضها

الثقة اللي بينكم هتطرده وهتتحداه انه يوقع بينكم

5_لازم يكون فيه اهتمام دائم بين الطرفين

يعني لازم الطرفين يسألوا علي بعض دايما ويهتموا بأخبار

بعض

اول ما تصحي من النوم تكون اول حاجه تعملها انك تسمع

صوت حبيبك

تطمن عليه بصفة مستمرة ولو تعبان تقف جنبه وتسأل دايما

عليه تفتكر دايما اوقات علاجه

وتعمل نفسك منبه يفكره بوقت العلاج

بلاش نخلي اي حاجه تشغلنا عن اللي بنحبه سواء شغل او اي

حاجه تانية

6_اشتكي اللي بتحبه منه ليه

يعني بلاش ندخل طرف تالت في مشاكلنا نشتكي بعض لبعض

ونعاتب بعض ومنشلش من بعض

واخيرا وليس اخرا

كل واحد ادري باللي بيحبه وعارفه وحافظه كويس

يعني كل واحد يشوف حبيبه بيحب ايه ويعمله ويشوف بيكره

ايه ويبعد عنه

وربنا يوفق كل اتنين بيحبوا بعض ان شاء الله

علشان بجد الحب جميل جدا ولازم نحافظ عليه